તમારું લગ્નજીવન કેવું વિતશે? જાણો લગ્નરેખાથી

આપણી વિચારસરણી જેવી હોય તે પ્રમાણે હાથોની રેખામાં ફેરફાર થતા રહે છે. સામાન્યરીતે આપણા હાથની નાની-નાની રેખાઓ બદલાતી રહે છે. પરંતુ ખાસ રેખાઓમાં પરિવર્તન નથી થતું. આ મહત્વપૂર્ણ રેખાઓમાં જીવનરેખા, ભાગ્યરેખા, હૃદયરેખા, મણિબંધ, સૂર્યરેખા અને લગ્નરેખા સામેલ છે. હસ્તરેખા જ્યોતિષ પ્રમાણે લગ્નરેખાથી જ કોઈપણ વ્યક્તિના લગ્ન અને પ્રેમ પ્રસંગ ઉપર વિચાર કરવામાં આવે છે. ક્યાં હોય તે લગ્નરેખાઃ- -લગ્નરેખા નાની આંગળીની નીચેના ભાગમાં હોય છે. આ ભાગને બુધ પર્વત કહે છે. બુધ પર્વતના અંતે કેટલીક આડી ગાઢ રેખાઓ હોય છે. આ રેખાઓને લગ્ન રેખા કહે છે. -આ રેખાઓ જેટલી સંખ્યામાં હોય તેટલા એ વ્યક્તિના પ્રેમપ્રસંગ હોય છે. જો આ રેખા કપાયેલી કે તૂટેલી હોય તો લગ્નવિચ્છેદની સંભાવના રહે છે. તેની સાથે જ આ રેખા લગ્ન જીવન કેવું રહેશે તે પણ બતાવે છે. જો આ રેખાઓ નીચે તરફ ગયેલી હોય તો લગ્નજીવનમાં તમને ઘણી પરેશાનીઓનો સામનો કરવો પડી શકે છે. -જો લગ્નરેખાની શરૂઆતમાં બે શાખાઓ હોય તો તે વ્યક્તિના લગ્ન તૂટવાનો ભય રહે છે. -જો કોઈ સ્ત્રીના હાથમાં લગ્નરેખાની શરૂઆતમાં દ્વિપનું ચિન્હ હોય તો તેના લગ્ન દંગો હોઈ શકે. -જો બુધ પર્વત તરફથી આવતી કોઈ રેખા લગ્નરેખાને કાપે તો તે વ્યક્તિનું લગ્નજીવન પરેશાનીઓથી ભરેલું રહે છે. -જો લગ્નરેખા રિંગફિંગર(અનામિકા)ની નીચે સૂર્ય સુધી ગયેલી હોય તો તે વ્યક્તિના લગ્ન કોઈ વિશિષ્ટ વ્યક્તિ સાથે થાય છે. -લગ્નરેખા જોતી વખતે શુક્ર પર્વત(અંગૂઠાની નીચેવાળા ભાગને શુક્ર પર્વત કહેવાય છે. આનો વિસ્તાર જીવનરેખા સુધી હોય છે)ને પણ ધ્યાનમાં રાખવો જરૂરી છે.