નસીબદાર અને ધનવાન બનશો જો હથેળીમાં હશે આ બે રેખાઓ

ઘણાં લોકો ભાગ્ય કે નસીબ પર વિશ્વાસ કરે છે તો ઘણાં લોકો કર્મને પ્રધાન માને છે.વાસ્તવમાં, ભાગ્ય અને કર્મ બન્નેને પોતાનું અલગ- અલગ મહત્વ છે. એવું કહેવામાં આવે છે કે જે વ્યક્તિનાં ભાગ્યમાં જેટલું સુખ કે દુ:ખ લખેલુ હોય તેને તે દરેક સંજોગોમાં વેઠવું પડે છે.

હસ્ત રેખા જ્યોતિષ અનુસાર હથેળીમાં ભાગ્ય રેખા જ એ નિર્ધારિત કરે છે કે તમે ભાગ્યશાળી છો કે નહીં. જો કોઇ વ્યક્તિનાં હાથમાં ભાગ્ય રેખા સારી સ્થિતિમાં હોય તો તેને જીવનમાં દરેક સુખ, નામ, માન-સન્માન વગેરે પ્રાપ્ત થાય છે. આ રેખા હથેળી પર જીવનરેખા ( અંગુઠાનાં સામે હોય છે અને મણિબંધ એટલે કે હથેળીનાં અંત સુધી રહે છે)ની પાસેથી જ શરૂ થઇ રિંગ ફિંગર સુધી જાય છે.

આ રેખા સીધી અને એક જેવી હોય તો તે વ્યક્તિ બહુ ભાગ્યશાળી હોય છે. એક સારી સ્થિતિની ભાગ્યરેખા જે વ્યક્તિનાં હાથમાં હોય તે દરેક સુખ- સુવિધાને પ્રાપ્ત કરનારૂં માનવામાં આવે છે. અમુક લોકોનાં હાથમાં બે – બે ભાગ્યરેખાઓ પણ હોય છે. આવાં માણસ બહુ ભાગ્યશાળી હોય છે.તેઓ જે કાર્યને હાથમાં લે છે તેને સફળતા મળે જ છે. ભાગ્યરેખાનો શુભ પ્રભાવ ડબલ થઇ જાય છે. જે વ્યક્તિની હથેળીમાં બે ભાગ્યરેખા હોય છે તે દરેક મુશ્કેલીઓને સરળતાથી દુર કરી શકે છે.